Xavfsiz va hurmatga asoslangan mehnat muhitini shakllantirish — dolzarb vazifa
2026-11-13 17:00:00 / Yangiliklar

Ohangaron shahar texnikumida shahardagi davlat ulushi 50 foizdan yuqori bo‘lgan 23 ta korxona, tashkilot va muassasa mas’ul xodimlari ishtirokida to‘rt kunlik o‘quv-seminari tashkil etildi.
Seminar davomida mehnat jamoalarida harassment (tazyiq va nomaqbul xatti-harakatlar)ning oldini olish, bunday holatlar yuzasidan murojaatlarni qabul qilish hamda ularni belgilangan tartibda ko‘rib chiqish mexanizmlari atroflicha muhokama qilindi.
Shuningdek, ishtirokchilarga ish joylarida sog‘lom psixologik muhitni shakllantirish, xodimlarning huquq va qonuniy manfaatlarini himoya qilish, mehnat munosabatlarida o‘zaro hurmat, tenglik va kamsitishga yo‘l qo‘ymaslik tamoyillarini ta’minlash bo‘yicha tushuntirishlar berilib, amaliy tavsiyalar taqdim etildi.
O‘quv-seminari yakunida belgilangan dastur asosida tahsil olgan ishtirokchilarga o‘qishni muvaffaqiyatli tamomlaganliklarini tasdiqlovchi maxsus sertifikatlar topshirildi.

