Ohangaron shahrida “Uycha” bog‘chasining yangilangan binosi foydalanishga topshirildi
2026-11-09 14:50:00 / Yangiliklar

Bugungi kunda mamlakatimizda ta’lim sohasini rivojlantirish, maktab va maktabgacha ta’lim tashkilotlarida munosib shart-sharoitlar yaratish davlat siyosatining ustuvor yo‘nalishlaridan biri hisoblanadi.
Quvonarlisi, 2026-yilgi “Ochiq budjet” jarayonlarida fuqarolar tashabbusi bilan Ohangaron shahrining Orzu mahallasida joylashgan 15-sonli davlat maktabgacha ta’lim tashkiloti — “Uycha” bog‘chasini ta’mirlash loyihasi g‘olib deb topildi. Natijada loyiha uchun 1 milliard 153 million 200 ming so‘m mablag‘ yo‘naltirilib, muassasada keng ko‘lamli ta’mirlash ishlari amalga oshirildi.
Ochilish marosimida shahar hokimi o‘rinbosari Sardorxon Ne’matxonov, Xalq deputatlari Ohangaron shahar Kengashi deputatlari, Xonobod jome masjidi imom noibi, Respublika Ma’naviyat va ma’rifat markazi Ohangaron shahar bo‘linmasi, Maktabgacha va maktab ta’limi bo‘limi hamda pudratchi tashkilot rahbarlari ishtirok etdi.
Bugun bog‘chaning yangilangan binosi tantanali ravishda foydalanishga topshirildi. Endilikda bu yerda tarbiyalanayotgan bolalar uchun zamonaviy, qulay va shinam sharoitlar yaratildi.






