Ijro intizomini mustahkamlash hamda samaradorlik ko‘rsatkichlari (KPI) bo‘yicha yig'ilish o'tkazildi
2026-10-08 10:05:00 / Yangiliklar
Ohangaron shahar hokimining birinchi o‘rinbosari Shavkat Abdusattorov rahbarligida ijro intizomini mustahkamlash hamda samaradorlik ko‘rsatkichlari (KPI) bo‘yicha yig 'ilish o'tkazildi.. Unda shahar hokimi o‘rinbosarlari, hokimlik apparati xodimlari, korxona va tashkilotlar rahbarlari ishtirok etdi.
Yig‘ilishda ijro intizomini mustahkamlash, yuqori turuvchi tashkilotlar va rahbariyat tomonidan berilgan topshiriqlarning o‘z vaqtida va sifatli bajarilishini ta’minlash masalalari atroflicha muhokama qilindi.
Shuningdek, Ijro.gov.uz elektron tizimidagi ishlar holati tahlil qilinib, tizimda qayd etilgan topshiriqlarni o‘z vaqtida nazoratga olish, ularning ijrosini ta’minlash hamda tegishli ma’lumotlarni tizimga sifatli kiritish muhimligi ta’kidlandi.
Yig‘ilish davomida 2026-yil 3-choragi yakunlari bo‘yicha samaradorlik ko‘rsatkichlari (KPI) ham muhokama qilindi. Belgilangan maqsadli ko‘rsatkichlarga erishish, samaradorlikni oshirish va ortda qolayotgan vazifalarni qisqa muddatlarda bartaraf etish bo‘yicha aniq chora-tadbirlar belgilandi.
Yakunida har bir mas’ulga o‘z yo‘nalishi bo‘yicha topshiriqlar ijrosini shaxsiy nazoratga olish, natijadorlikka yo‘naltirilgan ishlarni kuchaytirish hamda belgilangan vazifalarni o‘z vaqtida va sifatli bajarish yuzasidan tegishli ko‘rsatma va aniq topshiriqlar berildi.