Sayyor qabuldagi murojaat amalda: Otaxon va onaxonlarimiz Zangiota ziyoratgohiga kuzatildi
2026-09-16 11:00:00 / Yangiliklar
Shahar hokimi tomonidan o‘tkazilgan sayyor qabulda bir guruh nuroniy fuqarolarimiz tomonidan Zangiota ziyoratgohiga ziyoraat uyushtirishda amaliy yordam so‘ralgan edi. Ushbu murojaat e’tibordan chetda qolmay, qisqa fursatda ijrosi ta’minlandi.
Bugun shahrimiz otaxon va onaxonlarining qulay hamda xavfsiz borib-kelishlarini ta’minlash maqsadida zamonaviy avtobus ajratilib, mas’ul xodimlar hamrohligida muqaddas qadamjo sari kuzatib qo‘yildi.
E’tibor va g‘amxo‘rlikdan boshi osmonga yetgan nuroniylarimiz qalbida quvonch ko‘z yoshlari qalqidi. Otaxon va onaxonlarimiz ushbu xayrli va savobli ish tashabbuskorlariga o‘zlarining samimiy minnatdorchiliklarini bildirib, yurtimiz tinchligi, shahrimiz obodligi va el-yurt farovonligi tilab qo‘llarini duoga ochishdi.