Toshkent viloyati Ohangaron shahar hokimligi

Muloqot davomida davlatimiz rahbari boshchiligida mamlakatimizda yoshlarni har taraflama qo‘llab-quvvatlash, ularning bandligini ta’minlash hamda tadbirkorlik tashabbuslarini rag‘batlantirish borasida amalga oshirilayotgan keng ko‘lamli islohotlar alohida ta’kidlandi. Shuningdek, kambag‘allikni qisqartirish hamda aholi daromadlarini oshirishni yangi bosqichga olib chiqish bo‘yicha belgilangan ustuvor vazifalar yuzasidan yoshlarga batafsil tushunchalar berildi.

Uchrashuv doirasida mas’ul rahbarlar va yoshlar uchun shahrimizdagi yirik sanoat zavodlari hamda ishlab chiqarish korxonalarida mavjud bo‘sh ish o‘rinlari taqdimoti o‘tkazildi. Yoshlarni ushbu korxonalarga bevosita olib borib, mehnat sharoitlari va ishlab chiqarish jarayonlari bilan yaqindan tanishtirish hamda ularning bandligini ta’minlash bo‘yicha mas’ullarga aniq vazifalar yuklatildi.

Shahrimizda yoshlarning munosib mehnat qilishlari va doimiy daromad manbaiga ega bo‘lishlari uchun amaliy ko‘mak berish ishlari davom ettirilmoqda.