Ohangaron shahrida “O‘zbekiston Respublikasi mustaqilligining 35 yilligi” esdalik nishoni sohiblari taqdirlandi
2026-08-27 14:00:00 / Yangiliklar
O‘zbekiston Respublikasi davlat mustaqilligining 35 yilligi munosabati bilan Ohangaron shahrida yurtimiz taraqqiyotiga munosib hissa qo‘shib kelayotgan fidoyi insonlarni e’tirof etishga bag‘ishlangan tantanali tadbir bo‘lib o‘tdi.
Tadbirda Ohangaron shahar hokimi Sadriddin Shoqosimov tomonidan iqtisodiyot, ijtimoiy soha va boshqa yo‘nalishlarda samarali faoliyat yuritib, shahar rivojiga munosib hissa qo‘shayotgan bir guruh ilg‘or tashkilot vakillari hamda tadbirkorlarga “O‘zbekiston Respublikasi mustaqilligining 35 yilligi” esdalik nishonlari tantanali ravishda topshirildi.
Tadbirda so‘zga chiqqanlar mamlakatimizda amalga oshirilayotgan keng ko‘lamli islohotlar, bunyodkorlik va taraqqiyot jarayonlarida Ohangaron shahri vakillarining faol ishtirokini alohida e’tirof etdilar.