Ohangaron shahrida sayyor sud: oilalarni asrash va fuqarolar murojaatlari ko‘rib chiqilmoqda
2026-07-16 12:05:00 / Yangiliklar
Ohangaron shahrida oilalar mustahkamligini ta'minlash, ajrimlarning oldini olish hamda fuqarolarning sud-huquq masalalariga oid murojaatlarini joyida hal etish maqsadida tizimli ishlar amalga oshirilmoqda.
Bugun Ohangaron shahar Madaniyat markazida Toshkent viloyati sudi raisi boshchiligida sayyor sud tashkil etildi.
Sayyor sud davomida fuqarolarning:
sud-huquq sohasidagi muammolari;
jinoyat va huquqbuzarliklarga oid masalalari;
- nikohdan ajratish va oilaviy nizolari;
- tadbirkorlik subyektlari ishtirokidagi nizolari;
- boshqa murojaatlari ko‘rib chiqilmoqda.
Xususan, nikohdan ajratish va oilaviy nizolar yuzasidan Ohangaron tumanlararo sudi raisi o‘rinbosari L.Xudoyqulov, Ohangaron shahar hokimi o‘rinbosari – Oila va xotin-qizlar bo‘limi boshlig‘i K.Usmanova hamda IIB Jamoat xavfsizligi xizmati xotin-qizlar masalalari bo‘yicha katta inspektori N.Karimxo‘jayeva tomonidan fuqarolarning murojaatlari tinglanmoqda.
Muloqotlar davomida oilalarni saqlab qolish, er-xotin o‘rtasidagi kelishmovchiliklarni bartaraf etish, farzandlar tarbiyasida ota-onalarning mas'uliyatini yanada oshirish hamda oilalarda sog‘lom ma'naviy-ruhiy muhitni mustahkamlash yuzasidan zarur tushuntirish va tavsiyalar berilmoqda.