Toshkent viloyati Ohangaron shahar hokimligi

Bugungi kunda respublikamiz hududida kuzatilayotgan anomal issiq ob-havo sharoitida bolalarning sog‘ligi va xavfsizligini ta'minlash maqsadida Ohangaron shahar hokimining o‘rinbosari Shavkat Abdusattarov, Maktabgacha va maktab ta’limi bo‘limi mudiri Husniddin Jo'rayev hamda shahar SanEpid bo‘limi mas’ullari tomonidan shahardagi maktabgacha ta'lim tashkilotlarida o‘rganish ishlari olib borildi.

O‘rganishlar davomida tarbiyalanuvchilarning sog‘ligi va hayotini muhofaza qilish masalalariga alohida e'tibor qaratildi. Xususan, hududdagi maktabgacha ta'lim tashkilotlari faoliyatini anomal issiq davrida vaqtincha to‘xtatish, bu haqda ota-onalarni o‘z vaqtida xabardor qilish, ta'lim tashkiloti xodimlarining belgilangan tartibda ish jarayonida bo‘lishi hamda muassasalarda sanitariya-gigiyena talablariga qat'iy rioya etilishini ta'minlash yuzasidan mas'ullarga tegishli tushuntirish va tavsiyalar berildi.

Shuningdek, bolalarning salomatligini asrash, favqulodda holatlarning oldini olish hamda xavfsiz muhitni ta'minlash bo‘yicha zarur choralarni qat'iy amalga oshirish lozimligi ta'kidlandi.