Ohangaron shahrida ishsiz aliment toʻlovchilarni ish bilan ta'minlash maqsadida mehnat yarmarkasi oʻtkazildi
2026-07-10 12:35:00 / Yangiliklar
Voyaga yetmagan farzandlarning moddiy ta'minotini yaxshilash, aliment qarzdorligini qisqartirish hamda ishsiz aliment toʻlovchilarni doimiy ish bilan ta'minlash maqsadida Ohangaron shahar hokimligi, Kambagʻallikni qisqartirish va bandlikka koʻmaklashish boʻlimi hamda Majburiy ijro byurosi Ohangaron shahar boʻlimi hamkorligida "Mehnat yarmarkasi" tashkil etildi.
Yarmarkada shahar hududida faoliyat yuritayotgan korxona va tashkilotlarning boʻsh ish oʻrinlari ishsiz aliment toʻlovchilarning taklif etildi. Mazkur yarmarkada shaharda faoliyat yuritayotgan 26 ta korxona va tashkilot o‘zlarining 156 ta bo‘sh ish o‘rni bilan ishtirok etdi. Tadbirda 42 nafar ish qidirayotgan fuqaro qatnashdi. Fuqarolarga ularning kasbi, malakasi va mehnat tajribasidan kelib chiqib, munosib ish oʻrinlari tavsiya etildi hamda ishga joylashish tartibi yuzasidan batafsil tushuntirishlar olib borildi.
Mazkur hamkorlikdagi mehnat yarmarkasi ishsiz aliment toʻlovchilarni bandligini ta'minlash, aliment qarzdorligini qisqartirish hamda voyaga yetmagan farzandlarning qonuniy manfaatlarini himoya qilishga xizmat qiladi.