Toshkent viloyati Ohangaron shahar hokimligi

Shahar hokimi Sadriddin Shoqosimov raisligida navbatdagi “Hokimlik soati” bo‘lib o‘tdi. Unda hokim o‘rinbosarlari, sektor rahbarlari, korxona va tashkilotlar rahbarlari hamda mas’ul mutasaddilar ishtirok etdi.

Yig‘ilishda 2026-yilning II choragi yakunlari bo‘yicha makroiqtisodiy ko‘rsatkichlarning bajarilish holati, iqtisodiy o‘sish sur’atlari hamda belgilangan prognoz ko‘rsatkichlarining ijrosi keskin tanqidiy va tahliliy ruhda ko‘rib chiqildi. Shahar rahbari mavjud salohiyat va imkoniyatlardan to‘liq foydalanmayotgan, belgilangan rejalardan ortda qolayotgan soha mas’ullarining hisobotlarini eshitib, yo‘l qo‘yilgan sustkashliklarni qattiq ogohlantirishlar berdi.

Yig‘ilish kun tartibidagi asosiy masalalar yuzasidan sohalar va tarmoqlar kesimida har bir rahbar oldiga aniq va muddatli topshiriqlar qo‘yildi:
- Iqtisodiyot va sanoat sohasi bo‘yicha II chorak yakunlari tahlil qilinib, iqtisodiy o‘sish sur’atlarini jadallashtirish, ishlab chiqarish hajmini oshirish va makroko‘rsatkichlardagi kamchiliklarni zudlik bilan bartaraf etish topshirildi.
- Investitsiya va eksport yo‘nalishida shaharga to‘g‘ridan-to‘g‘ri xorijiy investitsiyalarni jalb etish hajmini keskin oshirish, yangi ishlab chiqarish quvvatlarini tez fursatda ishga tushirish hamda eksport salohiyatini yuksaltirish bo‘yicha investitsiya loyihalarini o‘z vaqtida va sifatli amalga oshirish yuzasidan qat’iy nazorat belgilandi.
- Tartib-intizom, ijro nazorati va aholi murojaatlari bilan ishlash tizimi tanqid qilindi. Murojaatlarni yuzaki o‘rganish holatlariga barham berish, har bir masalaga qonuniy va ijobiy yechim topish shartligi topshirig'ini berdi. Yo‘l qo‘yilgan kamchiliklar uchun mas’ullarning shaxsiy javobgarligini eslatib o‘tdi.
- Yoshlar bandligini ta’minlash, ularni tadbirkorlikka jalb etish hamda shaharda "Namangan tajribasi" asosida mahallabay ishlash tizimini yangi bosqichga olib chiqish bo‘yicha tizimli ko‘rsatmalar berildi.
-O‘zbekiston Respublikasi Prezidentining 2026-yil 5-maydagi tegishli qaroriga muvofiq, shaharni ijtimoiy-iqtisodiy rivojlanishini jadallashtirish hamda aholi turmush darajasini yanada yaxshilashga qaratilgan qo‘shimcha chora-tadbirlarning borishi tahlil qilinib, undagi har bir bandning so‘zsiz ijrosini ta’minlash bo‘yicha shaxsiy javobgarlik yuklandi.

Yig‘ilish yakunida har bir topshiriq va muhokama qilingan masalalar yuzasidan aniq chora-tadbirlar rejasi belgilab olindi. Ijro intizomini buzgan va topshiriqlarni vaqtida bajarmagan rahbarlarga nisbatan intizomiy jazo choralari ko‘rilishi haqida qat’iy ogohlantirildi.