Xotin-qizlar Bo‘stonliq tumanida joylashgan “Levingstone” dam olish maskaniga 2 kunlik dam olish hamda seminar-treninglarda ishtirok etish uchun jo‘nab ketdilar.
2026-06-23 10:50:00 / Yangiliklar
O‘zbekiston Respublikasi Prezidentining 2025-yil 17-martdagi “Oila va xotin-qizlarni qo‘llab-quvvatlash tizimini yanada takomillashtirish chora-tadbirlari to‘g‘risida”gi PQ-103-son qarori ijrosini ta’minlash maqsadida, “Ayollar daftari”ning 7-bosqichiga kiritilgan 2–4-toifadagi 150 nafar xotin-qizlar Bo‘stonliq tumanida joylashgan “Levingstone” dam olish maskaniga 2 kunlik dam olish hamda seminar-treninglarda ishtirok etish uchun jo‘nab ketdilar.
Mazkur tadbir xotin-qizlarning ijtimoiy faolligini oshirish, ularni qo‘llab-quvvatlash, ma’naviy hordiq chiqarishlari va yangi bilim-ko‘nikmalarga ega bo‘lishlariga xizmat qiladi.
Xotin-qizlarni safarga kuzatish jarayonida Ohangaron shahar hokimi Sadriddin Shoqosimov ishtirok etib, ularga mazmunli dam olish va seminar-treninglarda muvaffaqiyat tiladi.