Ohangaron shahridagi yetakchi korxonada bayram tadbiri va istiqbolli loyihalar taqdimoti bo‘lib o‘tdi
2026-06-13 15:10:00 / Yangiliklar
Bugun Sanoat zonasida joylashgan, hudud iqtisodiyotida o‘z o‘rniga ega bo‘lgan "Eco Hygienic" MCHJ korxonasida bayram tadbiri o‘tkazildi.
Tadbirni Ohangaron shahar hokimi Sadriddin Shoqosimov ochib berib, korxona rahbariyati va ishchi-xodimlarini samimiy tabrikladi hamda soha fidoiylariga shahar hokimligining Tashakkurnoma va esdalik sovg‘alari topshirildi.
Tadbir davomida shahar rahbari mazkur korxonaning shahar ijtimoiy-iqtisodiy hayotida tutayotgan o‘rni va aholi bandligini ta’minlashdagi hissasini alohida e’tirof eetildi.
"Bugungi kunda sanoat tarmoqlarini rivojlantirish va mahalliy ishlab chiqarishni qo‘llab-quvvatlash davlatimiz siyosatining ustuvor yo‘nalishlaridan biridir. Xalqimiz uchun sifatli mahsulot yetkazib berishda tunu kun mehnat qilayotgan korxona jamoasiga shahrimiz rivojiga qo‘shayotgan ulkan hissasi uchun minnatdorchilik bildiraman", — dedi shahar hokimi.
Tadbir doirasida "Eco Hygienic" MCHJ rahbariyati tomonidan ham korxona rivojiga hissa qo‘shib kelayotgan fidoiy ishchi-xodimlarga hamda respublikamizning turli viloyatlaridan ko'p yillik hamkor dilerlarga qimmatbaho avtomobil sovg‘alari topshirildi.
Ma’lumot o‘rnida aytish joizki, bugungi kunda ushbu korxonada 50 ga yaqin mahalliy ishchi-xodimlar doimiy ish bilan ta’minlangan.
Korxona tomonidan yil yakuniga qadar qiymati 3.0 million dollarlik kengaytirish loyihasini amalga oshirish rejalashtirilgan. Ushbu yirik investitsiya loyihasi hayotga tatbiq etilishi natijasida shahrimizda yana 40 ta yangi doimiy ish o‘rni yaratilishi ko‘zda tutilgan.