Xalq deputatlari Ohangaron shahar Kengashining navbatdagi 28-sessiyasi bo‘lib o‘tdi
2026-05-19 19:35:00 / Yangiliklar
Bugun Xalq deputatlari Ohangaron shahar Kengashining navbatdagi 28-sessiyasi bo‘lib o‘tdi. Unda deputatlar, shahar hokimi o‘rinbosarlari, tegishli tashkilot va idoralar rahbarlari hamda jamoatchilik vakillari ishtirok etdi.
Sessiya davomida shahar ijtimoiy-iqtisodiy rivoji, jamoat xavfsizligi, byudjet mablag‘laridan samarali foydalanish hamda aholi murojaatlari bilan ishlash tizimini takomillashtirishga oid muhim masalalar muhokama qilindi.
Kun tartibidagi asosiy masalalar:
- shahar prokurori yordamchisi O.Farikov 2026-yil 1-choragida shaharda kriminogen vaziyatni yaxshilash bo‘yicha ko‘rilgan choralar yuzasidan axboroti tinglandi.
- shahar Ichki ishlar bo‘limi boshlig‘i S.Kamilxanov tomonidan shaharda huquqbuzarliklarning oldini olish va profilaktikasi bo‘yicha amalga oshirilgan ishlar yuzasidan hisoboti ko‘rib chiqildi.
- shahar byudjetining erkin qoldiq mablag‘lari manbalari hisobidan mablag‘larni yo‘naltirish hamda avvalgi qarorga o‘zgartirish kiritish masalasi muhokama qilindi.
- shahar byudjetining qo‘shimcha manbalari hisobidan mablag‘larni yo‘naltirish yuzasidan tegishli qarorlar qabul qilindi.
- O'zbekiston Respublikasi Prezidentning PF-223-sonli Farmoni asosida 2026-yilda Ohangaron shahrini kompleks ijtimoiy-iqtisodiy rivojlantirish dasturining 1-chorakdagi ijrosi yuzasidan hisobot eshitildi.
- 2026-yil 1-chorakda jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti deputatlar muhokamasidan o‘tkazildi.
- “Olmazor tajribasi” asosida Ohangaron shahrini ijtimoiy-iqtisodiy rivojlantirishga qaratilgan kompleks chora-tadbirlar rejasini tasdiqlash masalasi ko‘rib chiqildi.
- “Yangiobod” va “Guliston” mahalla fuqarolar yig‘inlaridagi mahalla yettiligi vakillarining 1-chorak davomida amalga oshirgan ishlari yuzasidan hisobotlari tinglandi.
- Xalq deputatlari Ohangaron shahar Kengashining 2026-yil 30-apreldagi VII-27-25-10-214-K/26-sonli qaroriga o‘zgartirish kiritish masalasi muhokama qilindi.
- Ohangaron shahrini murojaatlar bilan ishlash bo‘yicha namunali hududga aylantirish yuzasidan harakatlar rejasi tasdiqlandi.
Sessiya davomida kun tartibidagi barcha masalalar yuzasidan fikr almashilib, tegishli qarorlar qabul qilindi.