Ohangaron shahrida hokim yordamchilari ishtirokida korrupsiyaga qarshi kurashish va kambagʻallikni qisqartirish masalalari muhokama qilindi
2026-05-19 09:05:00 / Yangiliklar
Ohangaron shahar hokimining birinchi o'rinbosari Sh.Abdusattarov, Davlat xavfsizlik xizmati masʼul xodimi A.Mashakirov hamda shahar Departament boʻlimi boshligʻi Otabek Orziyev ishtirokida mahallalardagi hokim yordamchilari bilan yigʻilish oʻtkazildi.
Yigʻilish kun tartibida korrupsiyaga qarshi kurashish tizimini yanada takomillashtirish hamda belgilangan ustuvor vazifalar ijrosini samarali va halol tashkil etish masalalari atroflicha muhokama qilindi.
Muloqot davomida soha masʼullari tomonidan hokim yordamchilariga quyidagi qatʼiy vazifalar yuklatildi:
- har bir faoliyat yoʻnalishida qonun ustuvorligini taʼminlash;
- aholini kambagʻallik roʻyxatidan chiqarish ishlarini shaffof va adolatli tashkil etish;
- reyestrda turgan fuqarolarning ijtimoiy ahvolini real va manzilli oʻrganish;
- fuqarolarga ajratilayotgan imtiyozli kreditlarning maqsadli va toʻgʻri yoʻnaltirilganligini qatʼiy nazoratga olish, bu borada hushyorlik va masʼuliyatni yanada oshirish.
Yigʻilish yakunida har bir mahalla kesimida ishlarni halol va qonuniy tashkil etish yuzasidan tegishli topshiriqlar berildi.