Shahar hokimi tomonidan sanoat korxonalarining faoliyati va ishlab chiqarish jarayonlari o‘rganildi
2026-02-03 14:30:00 / Yangiliklar
Shahar hokimi Sadriddin Shoqosimov, shahar hokimi o‘rinbosari Investitsiyalar, sanoat va savdo bo‘limi boshlig‘i M. Mirkamolov hamda bo‘lim bosh mutaxassisi F. Erkaboyev tomonidan shahar hududidagi sanoat loyihalari doirasida qator ishlab chiqarish korxonalariga tashrif buyurdi.
Xususan, mazkur tashrif davomida “Premium Polimer Line” MCHJ plastik quvurlar ishlab chiqarish loyihasi doirasida olib borilayotgan qurilish jarayonlari ko‘zdan kechirildi. Korxonada ishlab chiqarish quvvatlari, mahsulot turlari, ichki bozor va eksportga yo‘naltirilgan mahsulotlar hajmi yuzasidan atroflicha ma’lumotlar taqdim etildi. Ushbu korxonada 4 mln AQSH dollar investitsiya o'zlashtirilib, 75 ta yangi ish o'rinlari yaratiladi. 21-mart "Navro'z" bayramiga ochilishi rejalashtirilgan.
Shu bilan birga, tashrif doirasida "Silk Plast Quality” MCHJ qo‘shma korxonasi faoliyati bilan ham tanishdi. Mazkur korxonada plastik quvurlar hamda turli plastik buyumlar ishlab chiqarish jarayonlari, texnologik jarayonlarning tashkil etilishi, mahsulot sifati va ishlab chiqarish quvvati, mahsulot turlari, ichki bozor va eksportga yo‘naltiriladigan mahsulotlar o'rganildi. Hozirda bu korxonada 200 ga yaqin ishchilar ishlashmoqda.