Toshkent viloyati Ohangaron tumani hokimligi

Unda tumanda 2026-yilning ikkinchi yarmida amalga oshirilishi belgilangan vazifalar, xususan, qurilish va obodonlashtirish yo‘nalishidagi ishlarning borishi hamda kelgusi rejalar muhokama qilindi.

Yig‘ilishda hududlarda olib borilayotgan qurilish ishlarini sifatli tashkil etish, belgilangan loyihalarni o‘z vaqtida amalga oshirish, obyektlarda ishlarning borishini doimiy nazorat qilib borish masalalariga alohida e’tibor qaratildi.

Shu bilan birga, tuman hududidan o‘tuvchi A-373 magistral avtomobil yo‘li bo‘yidagi obodonlashtirish ishlarini yanada kuchaytirish vazifalari belgilab berildi. Xususan, magistral yo‘l bo‘yida joylashgan turar va noturar obyektlarning tashqi ko‘rinishini tartibga keltirish, binolar fasadlarini zamonaviy va yagona me’moriy talablar asosida shakllantirish, yo‘l atrofidagi hududlarni chiqindilardan tozalash va obod holatga keltirish zarurligi ta’kidlandi.

Yig‘ilishda «Yashil makon» loyihasi doirasida amalga oshirilayotgan ko‘kalamzorlashtirish ishlari ham muhokama qilindi. Ekilgan daraxt va butalarni saqlab qolish, ularni muntazam sug‘orish va parvarishlash, qurib qolgan ko‘chatlar o‘rnini to‘ldirish, yo‘l bo‘ylarida yashil hududlarni kengaytirish bo‘yicha vazifalar belgilab olindi.

Yig‘ilish yakunida mas’ul rahbarlarga belgilangan vazifalarni aniq muddatlar asosida tashkil etish, har bir yo‘nalish bo‘yicha natijadorlikni ta’minlash hamda amalga oshirilayotgan ishlarning sifatini nazorat qilish bo‘yicha tegishli topshiriqlar berildi.