Toshkent viloyati Ohangaron tumani hokimligi

Ohangaron tumani Maktabgacha va maktab ta’limi bo‘limi tomonidan navbatdagi hay’at yig‘ilishi o‘tkazildi. Unda bo‘lim rahbariyati, mas’ul mutaxassislar, maktabgacha ta’lim tashkilotlari hamda umumta’lim maktablari rahbarlari ishtirok etdi.

Yig‘ilish kun tartibiga muvofiq, hududda ta’lim sifatini oshirish, o‘quv-tarbiya jarayonini samarali tashkil etish, davlat ta’lim standartlari ijrosini ta’minlash, pedagog kadrlar salohiyatini oshirish hamda ijro intizomini mustahkamlash masalalari atroflicha muhokama qilindi.

Shuningdek, maktabgacha ta’lim tashkilotlarida bolalarni maktabga tayyorlash darajasi, umumta’lim maktablarida o‘quvchilarning bilim ko‘rsatkichlari, fan olimpiadalari va turli tanlovlarda erishilgan natijalar tahlil qilindi. Aniqlangan kamchiliklar yuzasidan tegishli mas’ullarga aniq vazifalar belgilab berildi.

Yig‘ilish davomida ta’lim muassasalarida ma’naviy-ma’rifiy ishlarni kuchaytirish, o‘quvchilar davomatini nazorat qilish, ota-onalar bilan hamkorlikni yanada mustahkamlash hamda zamonaviy pedagogik texnologiyalarni keng joriy etish zarurligi alohida ta’kidlandi.

Shu bilan birga, kelgusi o‘quv yiliga tayyorgarlik ko‘rish, moddiy-texnik bazani mustahkamlash, sinf xonalarini jihozlash va xavfsizlik choralarini kuchaytirish masalalari ham ko‘rib chiqildi.

Yig‘ilish yakunida ta’lim sifatini oshirish, yosh avlodni har tomonlama barkamol etib tarbiyalash yo‘lida tizimli va samarali ishlarni davom ettirish, belgilangan vazifalar ijrosini o‘z vaqtida va sifatli ta’minlash bo‘yicha mas’ullarga tegishli topshiriqlar berildi.