Toshkent viloyati Ohangaron tumani hokimligi

Tadbirda tuman maktablaridan kelgan o‘quvchilar ishtirok etib, chegarachilarning kundalik xizmat faoliyati, Vatan sarhadlarini himoya qilishdagi mas’uliyatli vazifalari haqida batafsil ma’lumot oldilar. Ularning diqqatiga harbiy qismdagi mavjud qurol-aslahalar, maxsus texnika va zamonaviy jihozlar namoyish etildi. Harbiy xizmatchilar tomonidan ushbu texnikalardan foydalanish tartibi, xavfsizlik qoidalari va jangovar tayyorgarlik mashg‘ulotlari haqida tushuntirishlar berildi.

Shuningdek, tadbir davomida harbiylar tomonidan tayyorlangan jangovar sahnalar, tezkor harakatlar va maxsus taktik chiqishlar namoyish etildi. Ayniqsa, xizmat itlari ishtirokida ko‘rsatilgan namunali chiqishlar maktab o‘quvchilarida katta qiziqish uyg‘otib, ularda unutilmas taassurot qoldirdi.

Tadbirda tuman hokimining chegara masalalari bo‘yicha yordamchisi G‘anisher Navro‘zov, umumta’lim maktablarining CHQBT rahbarlari, tuman Yoshlar ishlari bo‘limi, Ma’naviyat va marifat markazi tuman bo‘linmasi, mutasaddi tashkilot rahbarlari ishtirok etdi. Ular yoshlarga murojaat qilib, Vatanga sadoqat, tinchlik va osoyishtalikni asrash har bir fuqaroning muqaddas burchi ekanini ta’kidladilar.

Tadbir yakunida o‘quvchilar harbiy xizmatchilar bilan yaqindan suhbatlashib, o‘zlarini qiziqtirgan savollarga javob oldilar.