✅Tuman hokimi Bahrom Norqobilov “Yonariq” mahallasida bo‘lib, Aqcha qishlog‘ida joylashgan 17-umumta’lim maktabida tashkil etilgan “Jasorat sinfi” faoliyati bilan yaqindan tanishdi.

✅Tashrif chog‘ida tuman rahbari, avvalo, “Jasorat sinfi”da o‘tkazilayotgan mashg‘ulotlar mazmuni, o‘quv jarayoni va tarbiyaviy yo‘nalishlar bilan qiziqdi. Ushbu sinfda o‘quvchilarga harbiy-amaliy bilimlar, jismoniy tayyorgarlik, intizom va jamoada ishlash ko‘nikmalari o‘rgatilayotgani ta’kidlandi. Bunday tashabbuslar yoshlarni vatanga muhabbat, jasorat va mas’uliyat ruhida kamol toptirishda muhim ahamiyat kasb etmoqda.

✅Uchrashuv davomida tuman hokimi maktab o‘quvchilari bilan bevosita suhbatlashib, ularning qiziqishlari, kelajak rejalari va orzu-intilishlari bilan qiziqdi. Yoshlar o‘z fikr va takliflarini ochiq bayon etib, ta’lim-tarbiya jarayonini yanada boyitishga oid g‘oyalari bilan o‘rtoqlashdi. Tuman rahbari esa har bir o‘quvchining intilishi va faolligi qo‘llab-quvvatlanishini, bunday “Jasorat sinfi”lari yoshlarni hayotga tayyorlashda muhim maktab ekanini ta’kidladi.

✅Tashrif davomida maktab ma’muriyati tomonidan mavjud bir qator muammolar tuman rahbari e’tiboriga havola etildi. Xususan, ta’lim jarayonida foydalanilayotgan ayrim jihozlarning eskirgani, “Jasorat sinfi” mashg‘ulotlarini sifatli tashkil etish uchun qo‘shimcha va kengroq xonalarga ehtiyoj mavjudligi bildirildi.

✅Tuman hokimi mazkur murojaatlarni diqqat bilan tinglab, ularni ijobiy hal etish yuzasidan tegishli mas’ullarga aniq ko‘rsatmalar berdi. Maktabda moddiy-texnika bazasini mustahkamlash, zarur jihozlarni yangilash hamda “Jasorat sinfi” uchun qulay shart-sharoitlar yaratish bo‘yicha chora-tadbirlar ishlab chiqilishi belgilandi.