Tuman hokimi markaziy shifoxona faoliyati bilan tanishdi
2025-12-22 15:25:00 / Yangiliklar
Tashrif davomida tuman hokimi shifoxonada yaratilgan shart-sharoitlar, bemorlarga ko‘rsatilayotgan tibbiy xizmatlar sifati hamda sog‘liqni saqlash sohasida amalga oshirilayotgan islohotlarni o‘rgandi. Xususan, muassasada joriy etilgan zamonaviy tibbiy uskunalar va texnologiyalar ko‘zdan kechirilib, ularning amaliyotda qo‘llanilishi bilan tanishildi.
Shuningdek, tuman rahbari shifoxona bo‘limlarida davolanayotgan bemorlar bilan muloqot qildi. Ulardan salomatlik holati va tibbiy xizmatlar haqida fikr-mulohazalar so‘raldi. Tuman hokimi bemorlarga sog‘lik-salomatlik tilab, shifokorlar va tibbiyot xodimlariga mas’uliyatli faoliyati uchun minnatdorlik bildirdi.
Tashrif davomida tibbiy xizmat sifatini yanada oshirish, aholiga qulay va samarali tibbiy yordam ko‘rsatish bo‘yicha tegishli taklif va tavsiyalar bildirildi.