Toshkent viloyati Ohangaron tumani hokimligi

Tashrif doirasida tuman hokimi mahalla “yettiligi” a’zolari bilan uchrashuv o‘tkazdi. Uchrashuv davomida mahalla "yettiligi"ning sohalar kesimida amalga oshirilayotgan ishlar yuzasidan axborotlari tinglandi. Jumladan, mahallada kambag‘allikni qisqartirish, aholi bandligini ta’minlash, tadbirkorlikni rivojlantirish, yoshlar va xotin-qizlar bilan muntazam ishlash, jinoyatchilikning oldini olish, migratsiyada bo‘lgan fuqarolar bilan ishlash, shuningdek, oilaviy nizolarni barvaqt aniqlash va oldini olish masalalari muhokama qilindi.

Muhokamalar jarayonida ushbu yo‘nalishlarda amalga oshirilayotgan ishlar samaradorligini yanada oshirish, mahalla kesimida manzilli rejalar asosida ishlash, aholi bilan doimiy muloqotni yo‘lga qo‘yish muhimligi ta’kidlandi. Tuman hokimi sohadagi kamchiliklar va hal etilishi lozim bo‘lgan masalalar yuzasidan mas’ullarga tegishli ko‘rsatma va tavsiyalar berdi.

Shuningdek, uchrashuv davomida mahalladagi mavjud muammolar, aholini qiynayotgan masalalar atroflicha muhokama qilinib, ularni bosqichma-bosqich hal etish bo‘yicha taklif va mulohazalar bildirildi.

Uchrashuv yakunlangach, tuman hokimi “Nurobod” mahallasi hududida joylashgan 52-umumta’lim maktabining ayni paytda foydalanilmay turgan filial binosi bilan tanishdi. Bino holatini ko‘zdan kechirar ekan, uni ta’mirlash va kelgusida unumli foydalanish zarurligi yuzasidan mutasaddilarga aniq topshiriq va amaliy tavsiyalar berdi.