Toshkent viloyati Ohangaron tumani hokimligi

Yig‘ilishda, avvalo, davriy nashrlarga obuna ishlarining borishi tahlil etilib, kamchiliklar qayd etib o‘tildi.

Shuningdek, qish-bahor mavsumida aholini zarur oziq-ovqat mahsulotlari bilan ta’minlash maqsadida, zaxira yaratish masalasi ko‘rib chiqildi. Hokim ushbu muammo yuzasidan mavjud imkoniyatlarni to‘liq safarbar etish yuzasidan tegishli mas’ullarga ko‘rsatmalar berdi.

Yig‘ilishda ijro intizomining holati, mas’ul rahbarlar va ijrochildarning topshiriqlarni o‘z vaqtida va sifatli bajarishi bo‘yicha vazifalar belgilab berildi.

Bundan tashqari, yig‘ilishda yaqinlashib kelayotgan Yangi yil bayrami munosabati bilan tumanda ko‘tarinki kayfiyatni ta’minlash, bayram tadbirlarini yuqori saviyada tashkil etish yuzasidan ham taklif va vazifalar belgilandi.

Shuningdek, Yangi yil arafasida aholi uchun arzonlashtirilgan oziq-ovqat mahsulotlari yarmarkasini tashkil etish masalasi muhokama etildi. Mutasaddilarga yarmarka tayyorgarliklarini belgilangan tartibda amalga oshirish va aholiga qulaylik yaratish bo‘yicha qator topshiriqlar berildi.

Yig‘ilish yakunida Doniyor Madirimov ko‘rilgan masalalar ijrosini tizimli nazoratga olish muhimligini qayd ettib o‘tdi.