Harbiy qism tashkil topganligi munosabati bilan tantanalai tadbir bo‘lib o‘tdi
2025-12-01 08:35:00 / Yangiliklar
Shukuh
O‘zbekiston Respublikasi DXX Chegara qo‘shinlariga qarashli, Ohangaron tumanida joylashgan harbiy qism tashkil topganligining 26 yilligi munosabati bilan tantanali tadbir bo‘lib o‘tdi.
Tadbirda Ohangaron tumani hokimligi, hamkorlikdagi kuch tuzilmalar, DXX chegara qo‘shinlarining faxriylari, harbiy xizmatchilar hamda ularning oila a’zolari ishtirok etdi.
Bayram tadbirida jangovar xizmat faoliyatida erishgan yutuqlari uchun bir guruh harbiy xizmatchilar rahbariyat hamda tuman hokimligining esdalik sovg‘alari, yorliq va ko‘krak nishonlari bilan taqdirlandi.
DXX chegara qo‘shinlari ansambli hamda tuman Madaniyat bo‘limi tomonidan konsert dasturi namoyish etildi.