Toshkent viloyati Ohangaron tumani hokimligi

Majburiy ijro byurosi Ohangaron tumani bo‘limi boshlig‘i Ondayev Hasan Rajabboyevichning tuman aholisiga MUROJAATI

Oila jamiyatning eng kichik va eng muhim bo‘g‘ini hisoblanadi. Oiladagi muhitning sog‘lomligi ko‘p jihatdan kattalarga, ya’ni ota-onalarga bog‘liqdir.

Farzandning kelajakda jamiyat uchun yetuk, bilimli va saloxiyatli kadr bo‘lib shakllanishida uning ma’naviy tarbiyasidan tashqari, moddiy ta’minoti ham muhim ahamiyatga molikdir.

Har bir ota-ona o‘z farzandini kelajakda jismonan sog‘lom, ruhan tetik, mukammal inson bo‘lishini orzu qiladi, biroq, ayrim ota yoki ona farzandi uchun sud qarori asosida moddiy ta’minot (aliment) berishi belgilangan bo‘lishiga qaramasdan, o‘z majburiyatlarini bajarmasdan kelmoqda.

Shu sababli, mamlakatimizda Qonun ustuvorligini ta’minlash maqsadida, farzandi ta’minoti uchun aliment pullarini o‘z vaqtida to‘lamagan qarzdorlar(ota yoki ona)ga nisbatan O‘zbekiston Respublikasi MJtKning 47-4-moddasiga asosan sud tartibida 15 sutkagacha ma’muriy javobgarlik, ma’muriy jazo chorasi qo‘llanilgandan so‘ng ham aliment pullarini to‘lamaganlarga nisbatan esa O‘zbekiston Respublikasi Jinoyat kodeksining 122-moddasi bilan jinoiy ish qo‘zg‘atilib, aliment pullari undirib berilmoqda.

Hurmatli tumandoshlar!

Sizlardan mahallangizda yashab, o‘z farzandi tarbiyasi, moddiy ta’minotiga e’tiborsiz bo‘layotganlarga befarq bo‘lmasliklaringizni, ular bilan o‘zaro suhbatlarda tegishli tushunchalar berib borishingizni so‘rab qolamiz.

Aliment to‘lovchi fukarolarimizdan aliment to‘lamaslik, farzandiga ta’minot bermaslik Qonunlarimizda ham, dinimizda ham javobgarlik belgilanganligini yodda tutib, o‘z farzandingiz ta’minoti uchun to‘lanadigan aliment pullarini o‘z vaqtida to‘lab borishingiz so‘raladi.

Byuroning Ohangaron tuman bo‘limi boshlig‘i, adliya maslahatchisi H.R.Ondayev/