Nurota tumanida aholi bilan ochiq muloqot o‘tkazildi
2025-09-16 10:50:00 / Majlislar
Xalq deputatlari Nurota tumani Kengashi deputati R. Qozoqova tomonidan aholi bilan uchrashuv o‘tkazildi.
Tadbir davomida O‘zbekiston Respublikasi Prezidentining **PF–71-sonli Farmoni — “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”**gi farmoni mazmun-mohiyati tushuntirildi.
Uchrashuvda korrupsiyaning oldini olish, unga qarshi kurashishda mavjud tizimlarni yanada kuchaytirish, davlat xizmatchilari tomonidan halollik tamoyillariga qat’iy amal qilish zarurligi haqida so‘z yuritildi.
Shuningdek, O‘zbekiston Respublikasi Oliy Majlisi Qonunchilik palatasi Kengashi va Senati Kengashining 2019-yil 14-sentabrdagi “To‘ylar, oilaviy tantanalar, ma’raka va marosimlar o‘tkazilishini tartibga solish tizimini yanada takomillashtirish to‘g‘risida”gi qarori mazmuni ham aholi o‘rtasida keng tushuntirildi.
Tadbirda tinchlik va barqarorlikni asrash, to‘y-hasham va marosimlarda ortiqcha isrofgarchilikka yo‘l qo‘ymaslik, halollik va shukronalik bilan yashashning ahamiyati ta’kidlandi.
Uchrashuv yakunida mazkur masalalar yuzasidan ishtirokchilar bilan ochiq muloqot olib borildi.