Nurota tumanida huquqni muhofaza qiluvchi organlar rahbarlari tomonidan sayyor qabul o‘tkazildi
2025-10-09 12:30:00 / Yangiliklar
Bugun Nurota tumani 5-son Bolalar musiqa va san’at maktabi binosida Navoiy viloyatining huquqni muhofaza qiluvchi organlari rahbarlari tomonidan ommaviy sayyor qabul tashkil etildi.
Mazkur tadbirda Navoiy viloyati prokurori A. Mullajonov, Nurota tumani hokimi A. Fayziyev, shuningdek, viloyat va tuman huquqni muhofaza qiluvchi organlari rahbarlari ishtirok etishdi.
Mazkur sayyor qabul fuqarolarning murojaatlarini joyida o‘rganish, ularning muammolariga amaliy yechim topish hamda davlat organlari va xalq o‘rtasidagi o‘zaro muloqotni yanada mustahkamlash maqsadida o‘tkazilmoqda.
Tadbir davomida murojaat bildirgan fuqarolarning masalalari tegishli tashkilotlar rahbarlari ishtirokida ko‘rib chiqilib, ularni hal etish bo‘yicha aniq topshiriqlar berildi.
Sayyor qabul aholining muammolarini eshitish va ularni manzilli hal etish yo‘lida muhim ahamiyat kasb etadi.