Navoiy viloyati Nurota tumani hokimligi

Ushbu muqaddas ayyomda sizlarga va yaqinlaringizga sihat-salomatlik, tinchlik-xotirjamlik, baxt-u saodat, xonadonlaringizga fayz va baraka tilayman.
Asrlar davomida yurtimiz ma’naviy hayotida muhim o‘rin egallab kelayotgan bu bayram xalqimiz orasida o‘zaro hurmat, mehr-oqibat va bag‘rikenglik fazilatlarini mustahkamlab, jamiyatimizda birlik va totuvlikni yanada mustahkamlamoqda.

Bu qutlug‘ ayyomda barchamiz, eng avvalo, mana shunday fayzli va barakotli kunlarga yetkazgani, osmonimiz musaffo, yurtimiz tinch ekanligi uchun Yaratganga cheksiz shukronalar aytamiz.

Qurbon hayiti – yaxshilik, sabr-qanoat, mehr-muruvvat kabi ezgu fazilatlarni o‘zida mujassam etgan ulug‘ ayyomdir. Bu kunlarda yurtdoshlarimiz bir-birini qutlab, dasturxonlar yoziladi, sovg‘a-salomlar ulashiladi. Muqaddas duolar ila mustaqilligimiz, farovon hayotimiz va farzandlarimiz kelajagi uchun Yaratganga iltijolar qilinadi.

Sizlarga yaxshi ma’lumki, yurtimizda so‘nggi yillarda milliy va diniy qadriyatlarimizni tiklash, e’tiqod erkinligini ta’minlash borasida ulkan ishlar amalga oshirilmoqda. Turli millat va elatlar o‘rtasida do‘stlik, ahillik va hamjihatlik muhitining tobora mustahkamlanib borayotgani barchamizni quvontiradi.

Aziz tumandoshlar!

Bunday fayzli kunlarda yurtdoshlarimiz qadimiy va muqaddas maskanlarni, buyuk ajdodlarimizning qadamjolarini ziyorat etib, yaqinlari holidan xabar olib, ularga mehr va e’tibor ko‘rsatmoqdalar. Bu kabi ezgu amallar xalqimiz orasida birdamlik, hamjihatlik va ma’naviy uyg‘unlikni yanada mustahkamlamoqda.

Yana bir bor barchangizni muborak Qurbon hayiti bilan samimiy muborakbod etaman. Duoguy keksalarimizning el-yurt ravnaqi uchun qilayotgan duolari, ezgu niyat va tilaklari ijobat bo‘lsin!

Xonadonlaringizda fayzu baraka, qalblaringizda osoyishtalik, yurtingizda tinchlik abadiy bo‘lsin!
Qurbon hayiti barchamizga muborak bo‘lsin!