“Payshanba — yoshlar kuni” doirasida Nurota tumanida qishloq xo‘jaligi yo‘nalishida amaliy seminar tashkil etildi
2026-07-23 18:15:00 / Yangiliklar
Seminarda Nurota tumani hokimi Azamat Fayziyev, Navoiy viloyati IIB boshlig‘i o‘rinbosari, podpolkovnik Shokirjon Sadinov, Navoiy viloyati prokurori o‘rinbosari Ravshan Namazov, shuningdek, tuman huquqni muhofaza qiluvchi organlar rahbarlari hamda yoshlar ishtirok etdi.
Amaliy seminar davomida qishloq xo‘jaligida zamonaviy agrotexnologiyalarni qo‘llash, hosildorlikni oshirish, suv va yer resurslaridan samarali foydalanish, innovatsion yondashuvlarni joriy etish hamda yoshlarni agrar tadbirkorlikka keng jalb etish masalalari yuzasidan mutaxassislar tomonidan amaliy tavsiyalar berildi.
Tadbir davomida ishtirokchilar o‘zlarini qiziqtirgan savollarga mutaxassislardan batafsil javob oldilar hamda qishloq xo‘jaligi sohasida muvaffaqiyatli faoliyat yuritish bo‘yicha zarur bilim va tajribalarni o‘zlashtirdilar.
Shuningdek, agrar sohada yoshlar bandligini ta'minlash, ularning innovatsion g‘oyalarini qo‘llab-quvvatlash va zamonaviy bilim hamda tajribalarni ommalashtirish muhimligi alohida ta'kidlandi.