Nurota tumanida kambag‘allikni qisqartirish va bandlik masalalari muhokama qilindi
2026-06-11 17:45:00 / Majlislar
Nurota tumani hokimligida kambag‘allikni qisqartirish, aholi bandligini ta’minlash, migrantlar bilan ishlash hamda yoshlar bandligini oshirish masalalari yuzasidan hududda amalga oshirilayotgan ishlar muhokamasiga bag‘ishlangan yig‘ilish bo‘lib o‘tdi.
Unda tuman hokimining birinchi o‘rinbosari A.Bo‘riyev, Navoiy viloyati Kambagʻallikni qisqartirish va bandlik bosh boshqarmasi boshlig‘i L.Xayrullayev hamda mahallalardagi hokim yordamchilari ishtirok etdi.
Yig‘ilish davomida hududda kambag‘allikni qisqartirish, aholi, ayniqsa yoshlar bandligini ta’minlash, mehnat migrantlari bilan tizimli ishlash, mavjud imkoniyatlardan samarali foydalanish hamda belgilangan vazifalarning ijrosi yuzasidan amalga oshirilayotgan ishlar tahlil qilindi.
Shuningdek, mas’ullarga aholi bandligini oshirish, ehtiyojmand oilalarni qo‘llab-quvvatlash, yoshlarni kasb-hunar va tadbirkorlikka yo‘naltirish borasidagi ishlarni yanada jadallashtirish yuzasidan tegishli topshiriq va tavsiyalar berildi.
Yig‘ilish yakunida belgilangan vazifalarni o‘z vaqtida va sifatli amalga oshirish bo‘yicha ustuvor yo‘nalishlar belgilab olindi.