Nurota tumanida 35/10 kV “Soykechar” podstansiyasida modernizatsiya ishlari olib borilmoqda
2026-04-13 17:15:00 / Matbuot anjumanlari
Nurota tumani hokimi Azamat Fayziyev Istiqbol MFY Soykechar qishlog‘i hududida joylashgan 35/10 kV “Soykechar” podstansiyasida olib borilayotgan modernizatsiya ishlari bilan tanishdi.
Mazkur loyiha O‘zbekiston Respublikasi Prezidentining “Navoiy viloyatini ijtimoiy-iqtisodiy rivojlantirish bo‘yicha qo‘shimcha chora-tadbirlar to‘g‘risida”gi PQ-430-sonli qarori asosida amalga oshirilmoqda.
Unga muvofiq, Nurota tumanining “Suvliq” MFY hududida joylashgan granit konlarini o‘zlashtirish maqsadida podstansiya quvvati 6300 kVA bo‘lgan yangi transformator bilan almashtirilib, elektr ta’minoti quvvati oshirilmoqda.
Ushbu ishlar natijasida Istiqlol va Suvliq MFY hududlaridagi iste’molchilarni sifatli va uzluksiz elektr energiyasi bilan ta’minlash imkoniyati yaratiladi.
Loyiha hududning sanoat salohiyatini rivojlantirish, yangi ish o‘rinlarini yaratish hamda elektr ta’minoti barqarorligini ta’minlashga xizmat qiladi.