“Kitobxon onalar” tanlovining viloyat bosqichi oʻtkazildi
2026-03-02 11:15:00 / Yangiliklar
Maʼnaviyat va maʼrifat markazida “Kitobxon onalar” tanlovining viloyat bosqichi boʻlib oʻtdi. Unda tuman (shahar) bosqichida gʻolib boʻlgan eng faol va kitobsevar onalar ishtirok etdilar.
Yakuniy natijalarga koʻra:
1-oʻrin — Nurota tumanidan, tuman “Oqila ayollar” harakati yetakchisi Shodigul Xusenova;
2-oʻrin — Xatirchi tumanidan Xoliqulova Feruza Xayitmurodovna, “Koriz Arab” MFY “Oqila ayollar” harakati aʼzosi;
3-oʻrin — Navoiy shahridan Oysuluv Gʻoziyeva, “Chinor” MFY “Oqila ayollar” harakati aʼzosiga nasib etdi.
Qolgan ishtirokchilar ham turli nominatsiyalar boʻyicha munosib taqdirlandi.
Barcha ishtirokchilar tanlov tashkilotchilari tomonidan diplom, tashakkurnoma va esdalik sovgʻalari bilan mukofotlandilar.
Mazkur tanlov onalar oʻrtasida kitobxonlikni targʻib etish, oilada maʼnaviy muhitni mustahkamlash va yosh avlod tarbiyasida kitobning oʻrnini oshirishga xizmat qilmoqda.