Nurota tumanida “Taraqqiyot va yetakchilik maskani” dasturi taqdimoti bo‘lib o‘tdi
2026-03-02 10:15:00 / Yangiliklar
Nurota tumanida hokim Azamat Fayziyev ishtirokida hududni aholi yashashi va tadbirkorlik faoliyati uchun namunaviy makonga aylantirishga qaratilgan “Taraqqiyot va yetakchilik maskani” dasturi taqdimoti o‘tkazildi.
Taqdimot davomida tumanni kompleks rivojlantirish, aholi farovonligini oshirish, yangi ish o‘rinlari yaratish hamda tadbirkorlikni qo‘llab-quvvatlashga qaratilgan ustuvor yo‘nalishlar atroflicha muhokama qilindi.
Shuningdek, infratuzilmani yaxshilash, xizmatlar sifatini oshirish va investisiyalarni jalb etish orqali hududning iqtisodiy salohiyatini mustahkamlash masalalariga alohida e’tibor qaratildi.
Dastur doirasida yangi tadbirkorlik sub’yektlarini tashkil etish, aholi bandligini ta’minlash, ijtimoiy ob’yektlarni modernizatsiya qilish hamda turizm imkoniyatlarini kengaytirish bo‘yicha qator loyihalar amalga oshirilishi rejalashtirilmoqda.
Mazkur tashabbus Nurota tumanini zamonaviy qiyofaga ega, qulay ishbilarmonlik muhiti shakllangan va aholi turmush darajasi izchil yuksalib borayotgan hududga aylantirishga xizmat qiladi.