Mahallalarda xavfsiz muhit va jinoyatchilik profilaktikasini kuchaytirishga qaratilgan amaliy seminar o‘tkazildi
2026-01-21 13:10:00 / Matbuot anjumanlari
O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ-1-son hamda “2026-yilda respublika mahallalarida jinoyatchilikning barvaqt profilaktikasi samaradorligini yanada oshirish bo‘yicha tashkiliy chora-tadbirlar to‘g‘risida”gi PQ-2-son qarorlari ijrosini ta’minlash, ularning mazmun-mohiyatini joylarda samarali tatbiq etish masalalariga bag‘ishlangan seminari bo‘lib o‘tdi.
Seminarda Nurota tumani hokimi Azamat Fayziyev, hokim o‘rinbosarlari, huquqni muhofaza qiluvchi organlar, sohaviy idora va tashkilotlar, shuningdek, mahalla yettiligi ishtirok etdi.
Yig‘ilish davomida qarorlarda belgilangan vazifalar ijrosini ta’minlash, mahallalarda xavfsiz muhitni yaratish, profilaktik tadbirlarni kuchaytirish hamda yaxlit manzilli ishlash tizimini samarali yo‘lga qo‘yish masalalari muhokama qilindi.
Tuman hokimi tomonidan mas’ullarga belgilangan topshiriqlarni o‘z vaqtida va sifatli bajarish, idoralar o‘rtasida o‘zaro hamkorlikni yanada kuchaytirish bo‘yicha aniq vazifalar belgilab berildi.