Navoiylik 52 nafar pedagog Turkiyada malaka oshirmoqda
2025-12-04 14:10:00 / Yangiliklar
O‘zbekiston Respublikasi Prezidenti Shavkat Mirziyoyev raisligida 2025-yil 15-may kuni maktab ta’limi tizimidagi islohotlar va kelgusi vazifalarga bag‘ishlangan videoselektor yig‘ilishida mutaxassislar malakasini oshirish bo‘yicha aniq topshiriqlar berilgandi.
Mazkur topshiriqlar ijrosi doirasida Navoiy viloyatidagi tuman va shahar maktablarida faoliyat yuritayotgan 52 nafar o‘qituvchi jumladan, Nurota tumanida 5 nafar oʻqituvchi 2025-yil 1–8-dekabr kunlari Turkiya Respublikasining Istanbul Texnik universitetiga malaka oshirish va tajriba almashish uchun yuborildi.
Ushbu tashrifdan maqsad — pedagoglarning kasbiy kompetensiyalarini oshirish, tuman ta’lim tizimiga ilg‘or metodikalarni tatbiq etish, o‘quvchilarda mustaqil fikrlash, amaliy bilim va ko‘nikmalarni shakllantirishga xizmat qiladigan yangi yondashuvlarni joriy etishdir.
Tajribadan qaytgan pedagoglar tomonidan seminar-treninglar, mahorat darslari va amaliy mashg‘ulotlar tashkil etilib, o‘rganilgan ilg‘or tajribalar bosqichma-bosqich tumandagi barcha maktablarda joriy etilishi rejalashtirilgan.