Noqonuniy reklama vositalari tartibga solinmoqda
2025-04-03 17:30:00 / Yangiliklar
Bugun Nurobod tuman hokimligi ishchi guruhi tomonidan Nurbuloq mahallasidagi tadbirkorlik subyektlari, bozorlar va savdo obyektlarida noqonuniy o‘rnatilgan reklama bannerlarini tartibga solish bo‘yicha o‘rganishlar olib borildi.
O'rganishlar davomida faoliyat yuritayotgan tadbirkorlik subyektlaridagi noqonuniy o‘natilgan, sifati talabga javob bermaydigan hamda davlat tilida yozilmagan reklama vositalari olib tashlanmoqda.
Tadbirkorlar ishchi guruh tomonidan "Reklama to‘g‘risidagi qonun" talablariga rioya etishlari to‘g‘risida ogohlantirilib, bunday holatlarning takrorlanmasligi va aniqlangan kamchiliklarni bartaraf qilish yuzasidan tegishli tushuntirish va tavsiyalar berildi.
Hurmatli tadbirkorlar!
O‘z mahsulotlaringizni targ‘ib etishda “Davlat tili haqida”gi va “Reklama to‘g‘risida”gi Qonunlarga amal qilishlaringizni qat’iy so‘rab qolamiz.
Eslatib o‘tamiz, “Reklama toʻgʻrisida”gi Oʻzbekiston Respublikasi Qonuniga asosan, reklama toʻgʻrisidagi qonunchilikni buzganlik bazaviy hisoblash miqdorining ellik baravaridan yetmish baravarigacha miqdorda jarima solinishiga sabab boʻladi.
U.Tilavov,
tuman hokimining maslahatchisi