Samarqand viloyati Nurobod tumani hokimligi

Nurobod tumanida muborak Qurbon hayiti bayramini yuqori saviyada, tinch va osoyishta muhitda o‘tkazish, jamoat xavfsizligini ta’minlash hamda fuqarolarning osoyishtaligini saqlash masalalariga bag‘ishlangan yo‘riqnoma yig‘ilishi bo‘lib o‘tdi.

Mazkur yig‘ilishda Nurobod tumani hokimi M.Buranov, tuman prokurori J.Abdixakimov, tuman IIB boshlig‘i S.Sharipov, tuman Favqulodda vaziyatlar bo‘limi boshlig‘i B.Musurmonqulov, tegishli mutasaddi tashkilotlar rahbarlari, imom-xatiblar, huquq-tartibot organlari xodimlari hamda profilaktika inspektorlari ishtirok etdi.

Yig‘ilish davomida Qurbon hayiti bayrami kunlarida aholi gavjum maskanlar, masjidlar, ziyoratgohlar va jamoat joylarida xavfsizlik choralarini kuchaytirish, fuqarolarning erkin va xavfsiz harakatlanishini ta’minlash, yo‘l harakati xavfsizligini nazorat qilish hamda favqulodda holatlarning oldini olish bo‘yicha muhim vazifalar belgilab olindi.

Shuningdek, mas’ul tashkilotlarga yong‘in xavfsizligi qoidalariga qat’iy rioya etish, sanitariya va obodonlashtirish ishlarini kuchaytirish, aholiga tezkor va sifatli xizmat ko‘rsatishni tashkil etish yuzasidan tegishli topshiriqlar berildi.

Tadbirda so‘z olganlar Qurbon hayiti xalqimizning eng ulug‘ va qadimiy bayramlaridan biri ekanini ta’kidlab, ushbu ayyomni yuqori saviyada, tinchlik-osoyishtalik va hamjihatlik muhitida o‘tkazish har bir mutasaddining ustuvor vazifasi ekanini qayd etdi.

Yig‘ilish yakunida barcha mas’ul idora va tashkilotlar o‘rtasida hamkorlikni yanada kuchaytirish, jamoat tartibini saqlash va aholining bayramni xotirjam o‘tkazishi uchun barcha zarur choralarni ko‘rish yuzasidan aniq vazifalar belgilab olindi.