Natijalar sarhisobi, muammolar tahlili va ustuvor vazifalar: Nurafshonda “Hokimlik soati” yig‘ilishi o‘tkazildi
2026-06-15 15:30:00 / Yangiliklar
Nurafshon shahar hokimi Qobil Xamdamov rahbarligidagi yig‘ilishda sektor rahbarlari, hududdagi korxona va tashkilotlar mutasaddilari, mahalla yettiligi a’zolari hamda hokimlik apparati xodimlari ishtirok etdi.
Yig‘ilish kun tartibiga muvofiq bir qator muhim yo‘nalishlar bo‘yicha mas’ullarining hisobotlari tinglandi. Jumladan, O‘zbekiston Respublikasi Prezidentining 2025-yil 3-yanvardagi PQ–1-son va 2026-yil 5-yanvardagi PQ–2-son qarorlari ijrosi, 2026-yil II choragi yakunlari bo‘yicha amalga oshirilgan ishlar hamda mavjud muammolar.
“Otaliqqa olingan” va “og‘ir” toifadagi yoshlar bilan manzilli ishlash, “Ayollar daftari” doirasida amalga oshirilayotgan chora-tadbirlar.
2026-yilning yanvar–may oylarida aholi bandligini ta’minlash borasidagi natijalar, kam ta’minlangan oilalarni qo‘llab-quvvatlash yuzasidan olib borilayotgan ishlar.
2026-yilda kambag‘allikni qisqartirish bo‘yicha belgilangan vazifalar ijrosi, “Kambag‘allikdan farovonlik sari” dasturi doirasida amalga oshirilayotgan ishlar tahlili, aniqlangan kamchiliklar.
Shahar hokimi tomonidan har bir yo‘nalish bo‘yicha ish samaradorligini oshirish, aholi murojaatlariga o‘z vaqtida yechim topish hamda belgilangan vazifalarni sifatli va muddatida bajarish yuzasidan aniq ko‘rsatmalar berildi. Yig‘ilish yakunida mas’ullarning shaxsiy mas’uliyati yana bir bor eslatilib, ijro intizomini kuchaytirish bo‘yicha vazifalar belgilab olindi.