Qurbon hayiti xalqimizning asrlar davomida shakllanib kelayotgan yuksak insoniy fazilatlari — mehr-oqibat, hamjihatlik, saxovat va shukronalik tuyg‘ularini yanada mustahkamlovchi muqaddas bayramlardan biridir. Bu kabi qadriyatlar har bir mahalla va xonadonda tinchlik, obodlik hamda o‘zaro totuvlik muhitini yanada mustahkamlashga xizmat qiladi.

Bugungi muborak kunda shahrimizdagi 3 ta masjidda Qurbon hayiti namozlari ado etilib, yurtimiz tinchligi, xalqimiz farovonligi, Vatanimiz taraqqiyoti hamda har bir xonadonga baraka va fayz tilab duolar qilindi. Bu esa jamiyatimizdagi birdamlik va ma’naviy yuksalishning yorqin ifodasidir.

Aziz hamshaharlar! Ushbu ulug‘ ayyom munosabati bilan sizlarga mustahkam sihat-salomatlik, oilaviy baxt-saodat, xonadonlaringizga fayz-u baraka hamda tinchlik-osoyishtalik tilayman. Yurtimiz ravnaqi yo‘lida olib borilayotgan ezgu ishlar bardavom bo‘lsin.

Qurbon Hayitingiz muborak bo‘lsin!

Nurafshon shahar hokimi
Klichxanov Ilxom Mahmudjonovich