Qoraqalpog‘iston Respublikasi Nukus shahri hokimligi

A. Daniyarov: «Ayrim maktablarimizning yo‘laklari fayzsiz, chunki ularda yosh o‘quvchilarni qiziqtiradigan, ongini o‘stiradigan ko‘rgazmali bannerlar umuman yo‘q. Bugun bolalarimiz kitob o‘qish o‘rniga telefon qarshisida vaqt o‘tkazmoqda. Muhim ma'naviy ozuqa olishda katta bo‘shliqlar paydo bo‘lmoqda, sizlar esa bu jarayonga shunchaki tomoshabin bo‘lib qarab turibsizlarmi?!»

Hurmatli Prezidentimizning shu yil 19 sentyabr kuni Qoraqalpog'iston Respublikasiga tashrifi davomida belgilab berilgan ustuvor topshiriqlaridan kelib chiqib, ayni daqiqalarda shahar hokimi A. Daniyarov boshchiligida maktabgacha va maktab ta'limi sohasida amalga oshirilayotgan ishlar chuqur tanqidiy nuqtai nazardan muhokama qilinmoqda.
Yig'ilishda Yangi O‘zbekistonni barpo etishda eng avvalo yoshlar ta'lim-tarbiyasining sifat ko‘rsatkichlarini tubdan yaxshilash va takomillashtirish zarurligi alohida ta'kidlandi.
Xabaringiz bor, tashrif davomida Davlatimiz rahbari tomonidan qoraqalpoq xalqining buyuk klassik shoiri va mutafakkiri Berdaq Qarg'abay o‘g'lining 200 yillik yubileyini keng nishonlash taklifi ilgari surilgan edi. Bu tashabbus butun jamoatchiligimiz tomonidan katta mamnuniyat bilan qo‘llab-quvvatlandi.
Prezidentimiz o‘z nutqida shoirning:
«Har doim sen xizmat etgil xalq uchun,
O‘zim dema, g'amxo‘rlik et xalq uchun...»
degan purma'no va hikmatli so‘zlari bugungi shiddatli davrda ham o‘z qimmati va ahamiyatini aslo yo‘qotmaganini alohida uqtirib o‘tdi.
Darhaqiqat, buyuk shoir o‘gitlariga amal qilgan holda, bugungi ustoz va murabbiylarimiz yoshlar tarbiyasida aslo loqaydlikka yo‘l qo‘ymasliklari shart. Yosh avlodni Ona Vatanga sadoqat ruhida tarbiyalash, ularga zamonaviy va sifatli ta'lim berish hamda ularning Yangi O‘zbekistonning munosib, fidoyi farzandlari bo‘lib etishishida bor kuch-intilishlarini safarbar etishlari lozim.
Bugungi kunda mamlakatimizda buning uchun barcha imkoniyat va sharoitlar to‘liq yaratilgan, faqat mas’uliyat va sidqidildan mehnat qilish talab etiladi.