"Shodli ovul"dagi yangi MFY binosi - mustaqillik bayramiga aholining munosib tuhfasi bo‘ldi
2026-07-21 12:00:00 / Yangiliklar
"Shodli ovul"dagi yangi MFY binosi - mustaqillik bayramiga aholining munosib tuhfasi bo‘ldi
Odatda sovg'a beriladi. Lekin eng qadrli sovg'a insonning o‘z mehnati, intilishi va hamjihatligi bilan yaratilganidir. Mustaqilligimizning 35 yillik to‘yi arafasida «Shodli ovul» ahli ana shunday bebaho sovg'aga ega bo‘ldi. Hududda "Tashabbusli byudjet" loyihasi doirasida mutlaqo yangi MFY binosi qad rostladi.
Bu — qo‘shnining qo‘shniga, mahalladoshning o‘z mahallasiga bo‘lgan ishonchi va birdamligi timsoli. Aynan shu bois, jurnalist va blogerlar uchun tashkil etilgan «Xalq qo‘li bilan tiklangan, bunyod etilgan binolar» media-turi o‘ziga xos hayajon va g'urur muhitida o‘tdi. OAV vakillari aholining o‘z tashabbusi bilan yuzaga kelgan bunyodkorlikni o‘z ko‘zlari bilan ko‘rishdi.
Yanada e’tiborlisi, ushbu jonli jarayon Qoraqalpog'iston radiokanalining «Ahamiyatli suhbat»eshittirishi orqali to‘g'ridan-to‘g'ri efirga uzatildi. Radiotinglovchilar bayram oldi xushxabarini va xalq hamjihatligining real natijasini jonli muloqotda his qilishdi.
"Shodli ovul"dagi yangi bino oddiy bir mahallaning emas, balki fuqarolik jamiyati rivojlanayotganining va xalq o‘z kelajagini o‘z qo‘li bilan qurayotganining yorqin isbotidir.