Korrupsiyaga qarshi kurashish davlat dasturlarini amalga oshirish
2025-11-12 17:05:00 / Yangiliklar
KORRUPSIYA - JAMIYAT RIVOJIGA TO‘SIQ.
Korrupsiya - bugungi kunda dunyo miqyosidagi eng og‘ir muammolardan biri hisoblanadi. U nafaqat iqtisodiy o‘sishni pasaytiradi, balki inson huquqlariga, jamiyatda adolat va ishonch muhitiga ham jiddiy putur yetkazadi.
O‘zbekiston Respublikasi Prezidenti Shavkat Mirziyoyev davlat rahbari sifatida faoliyatining ilk kunlaridanoq korrupsiyaga qarshi kurashishni davlat siyosatining ustuvor yo‘nalishlaridan biri etib belgiladi. 2016 yilgi saylovoldi dasturida u bu illatga qarshi keskin kurashish, huquqbuzarliklarning oldini olish va davlat organlarida ochiqlikni ta’minlashni ustuvor vazifa sifatida ko‘rsatgan edi.
Bu boradagi dastlabki huquqiy qadamlardan biri - 2016 yil 24 noyabrda qabul qilingan va 2017 yil 3 yanvarda Prezident tomonidan imzolangan "Korrupsiyaga qarshi kurashish to‘g‘risida"gi qonun bo‘ldi. Ushbu qonunda ilk bor korrupsiyaga aniq ta’rif berildi:
"Korrupsiya - shaxsning o‘z lavozimi yoki xizmat darajasidan shaxsiy yoki boshqa shaxslar manfaati uchun qonunga xilof ravishda chetga chiqishidir.