Qashqadaryo viloyati Nishon tumani hokimligi

Ochiqlikni ta’minlash, korrupsiyaning oldini olish va manfaatlar to‘qnashuviga yo‘l qo‘ymaslik bo‘yicha tushuntirish berildi

Xalq deputatlari Nishon tumani Kengashi raisi U. Usmonov, Kengash kotibiyati mudiri A. Bekkamov hamda xalq deputatlari Nishon tumani Kengashi deputatlari ishtirokida tuman tashkilot va idoralari rahbarlari uchun muhim masalalarga bag‘ishlangan tushuntirish ishlari olib borildi.

Tadbir davomida O‘zbekiston Respublikasi Prezidenti Sh.M. Mirziyoyevning 2024-yildagi “Davlat organlari va tashkilotlarining faoliyati ochiqligini ta’minlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida”gi PF-6247-son Farmoni mazmun-mohiyati yuzasidan atroflicha tushuntirishlar berildi.

Shuningdek, davlat organlari va tashkilotlari faoliyatida ochiqlik va shaffoflikni ta’minlash, jamoatchilik nazoratini kuchaytirish, korrupsiyaning oldini olish hamda manfaatlar to‘qnashuviga yo‘l qo‘ymaslik masalalariga alohida e’tibor qaratildi.

Tuman hududidagi barcha tashkilot va idoralar rahbarlariga mazkur yo‘nalishdagi talablarni xodimlarga yetkazish, korrupsiyaviy holatlarning oldini olish va manfaatlar to‘qnashuviga yo‘l qo‘ymaslik bo‘yicha tegishli tushuntirish ishlarini tashkil etish yuzasidan tavsiyalar berildi.

Tadbir yakunida rahbarlar va mas’ul xodimlarning ushbu yo‘nalishdagi huquqiy bilimlarini oshirish, xizmat faoliyatida qonuniylik, halollik, ochiqlik va shaffoflik tamoyillariga qat’iy rioya etish muhimligi ta’kidlandi.