Nishon tumanida bitiruvchi hamda migratsiyadan qaytgan yoshlar bandligini ta’minlash, ularni tadbirkorlik va daromadli faoliyatga jalb etish bo‘yicha amaliy seminar o‘tkazildi.
2026-09-26 13:25:00 / Yangiliklar
Nishon tumanida bitiruvchi hamda migratsiyadan qaytgan yoshlar bandligini ta’minlash, ularni tadbirkorlik va daromadli faoliyatga jalb etish bo‘yicha amaliy seminar o‘tkazildi.
“Paxtabod” mahallasida tashabbuskor yosh tadbirkor tomonidan 1 gektar maydonda, umumiy qiymati 700 mln so‘mlik issiqxona loyihasi tashkil etilgan. Issiqxonada bodring yetishtirish yo‘lga qo‘yilib, 26 nafar ishsiz yoshning bandligi ta’minlangan. Shuningdek, tomchilatib sug‘orish, quyosh fotoelektr stansiyasi, quyosh konsentratori orqali isitish, havo almashinuvi va shamollatish tizimlari joriy etilgan.
Qirqqo‘loch mahallasida esa 15 nafar yoshga jami 15 gektar yer maydoni ajratilgan. Shuningdek, 6 nafar ishsiz yoshga homiylik hisobidan 6 ta molxona qurib berilib, har birida o‘rtacha 35 boshdan qo‘y-qo‘zi boqilmoqda. Mazkur loyihalarning umumiy qiymati 1 mlrd so‘mni tashkil etadi.
Shuningdek, Rahbar va yoshlar uchrashuvida yoshlarning murojaatlari tinglanib, 20 nafar bitiruvchi davlat va nodavlat tashkilotlariga ishga joylashtirildi, ayrim yoshlarning imtiyozli kredit olib tadbirkorlik faoliyatini yo'lga qo’yish bo'yicha murojaatlari ijobiy hal etildi. Shuningdek, 22 nafar yoshni 5 kun muddatda ish bilan ta'minlash hamda tadbirkorlik faoliyatini yo'lga qo'yish bo'yicha mas'ullarga aniq vazifalar belgilandi.