Samarqand viloyati Narpay tumani hokimligi

Hokim va mahalla masʼullari Tuman hokimi Sherbek Buranov mas'ullar hamrohligida tumandagi 57 ta mahalla "yettiligi" bilan bir qator masalalar yuzasidan zoom platformasi orqali suhbat o'tkazdi. Bunda, aholi murojaatlari bilan ishlash, obodonlashtirish, ichki ko‘chalarni tozalik va tartib-intizomiga rioya qilish, aholi bandligini ta'minlash, maishiy chiqindi, ichimlik suvi to'lovlari bo'yicha targʻibotni kuchaytirish kabi dolzarb masalalar borasida olib borilayotgan ishlar tahliliy muhokama qilindi. Shuningdek, aholining elektr energiyasiga nisbatan ehtiyojini to‘laqonli qondirish maqsadida qayta tiklanuvchi moslamalardan unumli foydalanish, "Yashil makon" umummilliy harakati doirasida har bir xonadon kamida 30 tupdan mevali ko‘chat ekishi kerakligi ta'kidlandi. Yuqorida taʼkidlangan masalalarda sustkashlikka yo'l qo'yayotgan mahallalar mas'ullariga mazkur holatni bartaraf qilish xususida topshiriq va vazifalar belgilab berildi.