"Ayollar daftari"ga kiritish ishlari boshlanadi
2025-01-15 14:35:00 / Yangiliklar
Vazirlar Mahkamasining 2024-yil 10-dekabrdagi “O‘zbekiston Respublikasi Oila va xotin-qizlar qo‘mitasi faoliyati hamda “Ayollar daftari” bilan ishlash tizimi takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida”gi 833-sonli qarori qabul qilinib, “Ayollar daftari”ning 6-bosqichiga kiritiladigan xotin-qizlar ro‘yxatlarini shakllantirish uchun xatlov ishlari o‘tkazish bo‘yicha Mahalla yettiligi aʼzolariga Zoom platformasi orqali yig‘ilishi o‘tkazildi.
Yig‘ilishda ushbu xatlov jarayoni bo‘yicha Sog‘liqni saqlash xodimlari kasaba uyushmasi Samarqand viloyat kengashi raisi ishtirok etib, o‘zining tegishli tushunchalari va yo‘nalishlarini berdi.
Eslatib o'tamiz, "Ayollar daftari"ga kiritish ishlariga joriy yilning 7-yanvaridan start berildi.
"Ayollar daftari"ga 30 yoshdan oshgan quyidagi toifadagi xotin-qizlar kiritiladi:
▫️Ijtimoiy himoyaga muhtoj ishsiz xotin-qizlar;
▫️Tadbirkorlik qilish istagida bo‘lgan ehtiyojmand xotin-qizlar;
▫️Boquvchisi bo‘lmagan ehtiyojmand xotin-qizlar;
▫️Ijtimoiy yordamga muhtoj I va II guruh nogironligi bo‘lgan, shuningdek, tezkor tibbiy muolajaga muhtoj ehtiyojmand xotin-qizlar;
▫️Uy-joyga muhtoj ehtiyojmand xotin-qizlar;
▫️Qaramog‘ida nogironligi bo‘lgan farzandi mavjud ehtiyojmand xotin-qizlar.
Bundan tashqari, qo'shimcha ma'lumotlarni mahalladagi xotin-qizlar faolidan olishingiz mumkin.
