Namanganda gullar festivali: turistlar uchun bahor nafasi va go‘zallik sayri
2025-06-08 13:15:00 / Yangiliklar
64-marotaba o‘tkazilayotgan bu festival nafaqat mahalliy aholi, balki xorijiy va qo‘shni davlatlardan kelgan sayyohlar uchun ham katta qiziqish uyg‘otmoqda.
Festival asosiy maydoni — Zaxiriddin Muhammad Bobur nomidagi madaniyat va istirohat bog‘i bugungi kunda turli gullar bilan bezatilgan bir go‘zal manzaraga aylangan. Bu yerda har bir mehmon bahor nafasini his qiladi, turli xil gullar qator-qator qilib o‘tqazilgan hududlarda suratga tushib, xotiralarga boy sayohat ustida bo‘ladi.
Namangan viloyati hokimining topshiriqlariga asoosan aynan turistlar va tashrif buyuruvchilar uchun qulayliklar yaratish, bog‘ni yanada obod qilish va gullarni uzoqroq saqlash bo‘yicha amaliy ishlar olib borilmoqda. Xususan, gullarni doimiy sug‘orish va parvarishlash ishlariga jiddiy e’tibor qaratilmoqda. Qurib qolgan gullar o‘rniga yangi gullar o‘tqazish ishlari muntazam ravishda amalga oshirilmoqda.
Bog‘ hududining pokizaligi uchun 50 nafardan ortiq obodonlashtirish xodimlari jalb etilgan va ular tomonidan kun davomida tozalov ishlari olib borilmoqda.
Namangan shahar hokimligi axborot xizmati.