64-Xalqaro “Gullar festivali”doirasida ochiq osmon ostidagi oqshom konserti bo‘lib o‘tdi
2025-05-27 11:20:00 / Yangiliklar
Ayni damda Davlatobod tumanida barpo etilgan “Yangi O‘zbekiston” bog‘i yozgi amfiteatrida O‘zbekiston milliy simfonik orkestrining “Ochiq osmon ostida” deb nomlangan konsert dasturi bo‘lib o‘tdi. Kechani Namanganning faxriy fuqarosi O‘zbekiston, Tojikiston xalq artisti, el suygan san’at arbobi Yodgor Sa’diyev o‘z ochib berdi.
Konsertda bosh dirijyor, xalqaro tanlovlar sovrindori Alibek Abdurahmanov boshchilik qildi.
Unda O‘zbekiston Milliy simfonik orkestri, taniqli va yosh solistlar, jahon hamda o‘zbek kompozitorlarining mashhur asarlari, kinofilm, serial musiqalaridan namunalar ijro etildi.
Ayniqsa, O‘zbekiston, Tatariston, Boshqirdiston va Qoraqalpog‘iston Respublikalari xalq artisti Jenisbek Piyazov ijrosidagi ariyalar, opera va milliy xalq termalari yig‘ilganlarda katta taassurot qoldirib, barchani raqsga chorladi.
Jonli ijrodagi qo‘shiqlar va akapella yig‘ilganlarga o‘zgacha zavqu shavq bag‘ishladi.