64-xalqaro “Gullar festivali” tantanali ravishda start oldi
2025-05-25 10:05:00 / Yangiliklar
Festivalning rasmiy ochilish marosimini Namangan viloyati hokimi, Senat a’zosi Shavkatjon Abdurazzoqov olib bordi.
U o‘z nutqida ushbu an’anaviy go‘zallik bayrami yildan yilga takomil topib, viloyatning ramziy brendiga aylanganini ta’kidladi.
O‘tgan yili 7 million mehmonni qarshi olgan festivalda bu yil 10 millionga yaqin tashrif buyuruvchi kutilmoqda. Bunday keng qamrovli anjumanni yuksak darajada tashkil etgan mas’ul idoralarga hokim tomonidan alohida minnatdorlik izhor etildi.
64 bor gullashda davom etayotgan festival nafaqat gullar, balki inson qalbidagi ezgu tuyg‘ular hamda milliy madaniyat va mehmondo‘stlikning ifodasidir.