Kiberxavfsizlik — davr talabi: hokimlik xodimlari uchun navbatdagi siyosiy-ma’rifat soati tashkil etildi
2026-06-12 09:00:00 / Yangiliklar
Tadbirda “Hackers HUB – Kiberxavfsizlik va hakerlik akademiyasi” mutaxassislari ishtirok etib, hokimlik xodimlariga internet tarmog‘ida uchrayotgan zamonaviy kiberxavflar, firibgarlik sxemalari, ma’lumotlarni himoya qilish usullari hamda kiberhujumlarning oldini olish bo‘yicha batafsil ma’lumotlar berdilar.
Shuningdek, mutaxassislar tomonidan zararli havolalar, fishing hujumlari, ijtimoiy muhandislik usullari va shaxsiy ma’lumotlarni himoya qilishning muhim jihatlari amaliy misollar asosida tushuntirildi hamda xodimlarning savollariga batafsil javob berildi.
Mazkur ma’rifiy uchrashuv xodimlarning axborot xavfsizligi borasidagi bilim va ko‘nikmalarini mustahkamlash, kiberxavfsizlik madaniyatini yuksaltirish hamda raqamli tahdidlarga qarshi hushyorlikni oshirishga xizmat qildi.
Namangan shahar hokimligi Matbuot xizmati