O‘zbekiston Respublikasi Mudofaa vazirligi

Yoshlarning bo‘sh vaqtini mazmunli tashkil etish, ularni sportga qiziqtirish va sog‘lom raqobat muhitini targ‘ib qilish maqsadida o‘tkazilgan musobaqa davomida ertamiz egalari sportning mini futbol, voleybol, stol tennisi, shaxmat va shashka turlarida o‘zaro bahs olib bordi.

Dastavval harbiy qismga tashrif buyurgan yosh ishtirokchilar uchun harbiy-texnika va qurol-aslahalar ko’rgazmasi  namoyish etildi hamda harbiy qism hayoti va faoliyati bilan yaqindan tanishtirildi.

Shundan so‘ng musobaqalarga start berildi. Jamoaviy va yakka tartibda o‘tkazilgan bahslar davomida sportchilar o‘zining chidamliligi, irodasi hamda uddaburonligini namoyon etib, raqibining zaif nuqtalarini aniqlagan holda birin-ketin g‘oliblik sari intildi.

Qizg‘in va murosasiz kechgan bahslar yakunida g‘olib ishtirokchilar tashkilotchilarning kubog, medal, diplom hamda esdalik sovg‘alari bilan taqdirlandi. Yakunda “Impuls” harbiy ansamblining ona Vatanni madh etuvchi kuy-qo‘shiqlari tadbir ishtirokchilarini kayfiyatini ko‘tarib, sport musobaqasini ko‘tarinki ruhda o‘tishiga xizmat qildi.

Mudofaa vazirligi Axborot va ommaviy kommunikatsiyalar departamenti